नाशिकपासून अवघ्या ९० किमी अंतरावर असणारे सटाणा (बागलान), येथील यशवंत महाराज मंदीर हे या पंचक्रोशीतील आराध्य दैवत मानले जाते. सन १८६९ साली प्रशासकीय कामकाज अतिशय चोख आणि न्यायाला धरुन कार्य करणा-या सात्विक अशा सटाण्याच्या मामलेदारांनांचा लोक 'देवमामलेदार' म्हणून ओळखू लागले. महाराष्ट्रात सरकारी अधिका-यांचे मंदीर सटाण्याशिवाय अन्य ठिकाणी नाही.
साईबाबांचे समकालीन असणा-या देवमामलेदारांच्या नावे दिला जाणारा 'यशवंत गौरव देवमामलेदार पुरस्कार - २०११' मला नुकताच प्रसिद्ध अभिनेते सदाशिव अमरापूरकर यांच्या हस्ते सटाणा येथे देण्यात आला. शेतक-यांसाठी व सामान्यांसाठी मनापासून काम करण्यासाठी हा पुरस्कार निश्चितपणे मला स्फूर्ती देईल.